Soal, Kunci Bahasa Jawa UKK Kelas XI SMA/Genap

Sabtu, 27 Mei 2017

SOAL ULANGAN KENAIKAN KELAS

BAHASA JAWA

SEMESTER GENAP

I. PILIHAN GANDA

A.  Pilihen wangsulan a, b, c, d utawa e minangka wangsulan paling bener ana ing lembar jawaban kang wis sumadya  kanthi menehi tandha ping (x)! 

Tembung gambuh ing ngisor iki kanggo mangsuli pitakonan nomer 1 lan 2 !

Semengko ingsu tutur 

sembah catur supaya lumuntur

dhihin raga, cipta, jiwa, rasa, kaki

ing kono lamun tinemu

tandha nugrahaning Manon

1. Tembung “lumuntur” iku asale saka tembung lingga apa lan kang dadi tegese yaiku ... .

A. tutur, omong

B. lamun, omong

C. tutur, becik

D. luntur, cilik
E. luntur, ilang

2. Ingkang dipunwastani “semengko insun tutur” wonten tembang ing nginggil, inggih menika ... .

A. pituturku dadi kasunyatan

B. pituturku mbesuke

C. pituturku saiki

D. pitutur prasaja
E. pitutur kang lamis

3. Tegese tembang gambuh ing basa Indonesia ngisor iki satitekna!

Melaksanakan petuah itu

Harus kokoh budipekertinya

Teguh serta sabar

Tawakal lapang dada

Menerima dan ikhlas apa adanya sikapnya dapat dipercaya

Mengerti “sangkan paraning dumadi”

Tembang ing ngisor iki kang dadi tegese ing basa Indonesia dhuwur yaiku ... .

A. Pamoting ujar laku

Kudu santosa ing budi teguh

Sarta sabar tawakal legaweng ati

Trima lila ambeg sadu

Weruh wekasing dumados

B. Semengko ingsu tutur 

sembah catur supaya lumuntur

dhihin raga, cipta, jiwa, rasa, kaki

ing kono lamun tinemu

tandha nugrahaning Manon

C. Sekar gambuh ping catur

kang pitutur polah kang kalantur

tanpa tutur katula-tula katali

kadaluwarsa kapatuh

katutuh pan dadi awon

D. Sabarang tindak tanduk

tumindake lan sakadaripun

den ngaksama kasisipaning sesami

sumimpanga ing laku dur

hardaning budi kang ngrodon

E. Sucine tanpa banyu

mung nyunyuda mring hardaning kalbu

pambukane tata titi ngati-ngati

atetep telaten atul

tuladhan marang waspaos

4. Guru lagu saha guru wilangan ing ngandhap menika ingkang leres kangge paugeran tembang gambuh inggih menika,  ... .

A. 7-u, 10-u, 12-i, 8-u, 8-o

B. 7-u, 10-u, 12-i, 8-o, 8-u

C. 7-u, 12-i, 8-o, 8-u, 10-u

D. 7-u, 12-i,  8-u, 10-u, 8-o

E. 7-u, 10-u, 8-o, 8-u, 12-i

5. Ing ngandhap menika kang leres tembang gambuh saking serat wedhatama miturut guru lagu lan wilangan,  inggih menika... .

A. Ing batin tan salah

Kedhap kilap ilining ing kalbu

Kang minangka colok celaking Hyang Widhi

Widadaning budi sadu

Pandak panduking liru nggon

B. Ing batin tan kliru

Kedhap kilap ilining ing ati

Kang minangka colok celaking Hyang Widhi

Widadaning budi sadu

Pandak panduking liru nggon

C. Ing batin tan kliru

Kedhap kilap ilining ing kalbu

Kang minangka colok celaking Hyang Widhi

Widadaning budi sadu

Pandak panduking liru nggon

D. Ing batin tan kliru

Kedhap kilap ilining ing kalbu

Kang minangka colok celaking Gusti

Widadaning budi sadu

Pandak panduking liru nggon

E. Ing batin tan kliru

Kedhap kilap ilining ing kalbu

Kang minangka colok celaking Hyang Widhi

Widadaning budi pekerti

Pandak panduking liru nggon

6. Para siswa mesthine wis padha mangerteni pitutur luhur saka tembang gambuh. Kang dadi gunane tembang gambuh yaiku ... .

A. Kanggo aweh panglipur

B. Kanggo aweh pitutur

C. Kanggo aweh pangajab

D. Kanggo aweh pangrimuk

E. Kanggo aweh pangarep-arep

7. Wonten ing serat Wedhatama, tembang macapat gambuh menika wonten ... pada.

A. 15

B. 25

C. 25

D. 35

E. 45

8. Cacahing wanda ing saben larikan sajroning tembang macapat, diarani ... .

A. Guru gatra

B. Guru wilangan

C. Guru lagu

D. Pada

E. Pupuh

9. Bebasan “ngobak-ngobak banyu bening” nduweni teges ... .

A. duweni panjangka nanging ora nduwe niat

B. namakake panggawe ala sarana nggunakake tangane wong liya

C. gawe rerusuh ing panggonan sing wus tentrem

D. darbe panjangka nanging ora duwe sarana

E. gawe kabecikan ing panggonan sing wus tentrem 

10. Ing ngandhap menika kang dados watakipun tembang gambuh inggih menika ... .

A. sengsem, tresna 

B. greget, seneng

C. prihatin, nelangsa

D. galak, muntab

E. sumanak, semadulur

11. Pethikan crita  ing ngisor iki satitekna!

Balakan

Nalika semana keraton Majapahit lagi ketaman rubeda. Sang Prabu antuk Sasmita menawa sing bisa ngluwari rubeda sajroning nagaraya rnung KyaiAgeng Balak. Sang Prabu banjur utusan Tumenggung Simbarja lan Simbarjaya nggoleki Kyai Ageng Balak. Ing wusana ketemu ana sacedhake kali Ranjing sing mapan ing Desa Mertan kecamatan Bendosari. Kacarita Majapahit bati tentrem sawise Kyai Ageng Balak  nyenyuwun marang Gusti kang murbengdumadi. Nanging Ki Ageng tetep dedunung ana ing kono nganti sasedane. Malah tekan seprene papan mau katelah dukuh/desa Balakan.

Crita Balakan mangkono mau kagolongake....

A. legendha
B. fable

C. sage

D. mite

E. dongeng


Kembali ke Daftar isi Soal, Kunci, Materi Basa Jawa SD, SMP, SMA/SMK

12. Wong jaman biyen duwe cara kang mandi kanggo nuturi anan putune, yaiku gawe pesen kang sinandhi ing sajrone crita minangka tandha wong Jawa kang tansah nggatekake tlatah sakiwa tengene. Tuladha yen awake dhewe arep nguyuh ora kena saparan-paran yaiku jalaran ... .

A. supaya panggonane resik kabeh

B. supaya manungsa bisa ngurmati alam

C. supaya duwe tata krama

D. jalaran ana panggonan kang luwih trep
E. jalaran bisa cilaka

13. Nalika ibune ngruruhi anakke, Malin Kundang ora nggagas. Ibune malah ditepang nganti ambruk. Ngenani kahanan kayo mangkono, ora nyana ibune nyumpahi Malin Kundang. Pungkasane dhewekke dadi watu.

Pepiling kang bisa kajupuk saka pethikan crita rakyat ing dhuwur yaiku ... .

A. Gatekna pepinginane wong tuwa

B. Suwarga iku ana ing tlapak sukune ibu

C. Dadi anak kudu bekti marang wong tuwa

D. Aja nglarani atine wong tuwa

E. Ngati-ati yen wong tuwane duka

Pethikan rakyat ing ngisor iki kanggo mangsuli pitakonan nomer 14 lan 15! 

Salah siji murid kinasihe Sunan Kalijaga yaiku Sunan Geseng. Minangka murid, Sunan Geseng iku banget anggone patuh lan setya marang kabeh prentahe Sunan Kalijaga. Sadurunge Ki Cakrajaya iku amung tukang nderes legen saka wit siwalan utawa wong mbiyen ngarani nderes kawung.

Nalika Sunan Kalijaga liwat ing panggonan nderese Ki Cakrajaya. Sunan Kalijaga krungu tembange Ki Cakrajaya kang unine digatekake Sunan Kalijaga mung dibolan-baleni “Taklila-lila, taklila-lila”. 

Bareng ditakoni Kanjeng Sunan Kalijaga,  “Kok mung lila-lila wae ki jane iku tembang apa Ki Sanak?”

Ki Cakrajaya mangsuli apa anane, “Alah wong saben dina niku urip kula nggih mung kados ngeten niki, munggah-mudhun nderes legen. Supados urip kula sing susah niki mboten kraos susah nggih taklila-lila (takrilak-rilakake/taksabar-sabarke)”

Sunan Kalijaga kang nalika nyawang praupane Ki Cakrajaya weruh ana cahya kang nandhani dheweke iku calon waliullah takon maneh, “Upamane diganti ngono kepiye Ki Sanak? Supaya luwih apik...”

Ki Cakrajaya kanthi mesem mbalik takon, “Lha diganti napa?”

Sunan Kalijaga, “Laa Illaha Ilallah”

Nalika Ki Cakrajaya menek maneh kanggo nderes lan tetembangan maneh kanthi apa kang mentas diucapake kanjeng Sunan Kalijaga, deresan legene ora metu banyune maneh nanging ngetokake emas. Ki Cakrajaya mudhun lan mlayu ngoyak Kanjeng Sunan Kalijaga saperlu meguru.

Wiwit saka iku ki Cakrajaya dadi muride Kanjeng Sunan Kalijaga. Sawijining dina Sunan Kalijaga pengin nguji kasetyane Sunan Geseng kanthi ujian kang abot. Sunan Geseng kang wektu iku isih diceluk Ki Cakrajaya, kang isih buyute Nyai Ageng Bagelen, diutus kanggo sujud nggegem teken kang ditancepake ing sawijining gunung ing tlatah Bagelen. Sunan Kalijaga mesen supaya Ki Cakrajaya ora ninggal panggonan nganti penjenengane wangsul.

Ki Cakrajaya sujud nggegem lan njaga teken kang ditinggal dening Sunan Kalijaga. Udan, panas, adhem, atis lan ananing kewan galak Sasuwening nunggu tekene gurune ora sethithika Ki Cakrajaya nggeser lungguhe. Dheweke tetep meneng ing panggonan lungguhe. Dina ganti dina, sasi terus ganti, tahun menyang tahun ora karasa Ki Cakrajaya wis sujud nggegem teken suwene 7 tahun.

...

14. Pethikan crita rakyat ing dhuwur klebu jinise ... .

A. Legendha

B. Sage

C. Mite

D. Fabel
E. Dongeng

15. Irah-irahan kang trep kanggo Pethikan crita rakyat ing dhuwur yaiku ... .

A. Sunan Kalijaga

B. Sunan Cakrajaya

C. Sunan Geseng

D. Sujud pitung taun
E. Tongkate sunan Kalijaga

16. Crita kang ngrembaka ing sawijining dhaerah lang dianggep minangka asil karya bebarengan dening bebrayan ing papan iku diarani ... .

A. Cerita cekak

B. Crita rakyat

C. Dongeng

D. Sage

E. Legendha

17. Crita rakyat sing ana gegayutane marang sejarah, nyritakake bab kepahlawanan, kesaktian sawijining pawongan diarani ... .

A. Fabel

B. Mitos

C. Dongeng

D. Sage

E. Legendha

18. Crita rakyat kang dianggep nyata kedadeyane jalaran sajroning crita ana paraga sejarah uga ana wujud barang utawa panggonan kang dibumboni bab ajaib, diarani ... .

A. Fabel

B. Mitos

C. Dongeng

D. Sage

E. Legendha

19. Ing ngandhap menika ingkang boten kalebet  titikanipun crita rakyat, inggih menika ... .

A. Critanipun sakeplasan (dimirengaken sepisan banjur tamat)

B. Isinipun crita ngandhut pitutur, panyaruwe lan piweling

C. Nggambaraken kedadeyan-kedadeyan ingkang tumemen

D. Anonim, boten dimangerteni sinten sejatosipun panganggit

E. Nyritakaken bab awon lan leres kangge patuladhan

20. Pesen kang kakandhut wonten crita minangka atur pangripta marang pamaos sajrone unsur instrinsik crita dipunwastani ... .

A. Underan 

B. Pepiling

C. Paraga

D. Padunungan

E. Alur crita

21. Kegiatan menehi informasi bab barang lan jasa sing migunakake media nassa online utawa offline diarani ... .

A. Film

B. Iklan

C. Produk

D. Konsumen

E. Video

22. Paugerane iklan kaya ing ngisor iki, kajaba ... .

A. Iklan migunakake media massa

B. Migunakake sponsor

C. Kudu nduweni ancas

D. Nduweni sifat menehi informasi marang khalayak

E. Nduweni ancas kanggo nggolek peminat (konsumen) saakeh-akehe

23. Iklan kang ngrembag babagan bab sawijining hotel klebu iklan ... .

A. Iklan informatif

B. Iklan persuasif

C. Iklan reminder

D. Iklan umum

E. Iklan bantahan

24. Tuladha Pariwara awujud swara Radhio “Birawa Putra FM” ing ngisor iki satitekna!

Swara Gendhing Lancaran “Suwe ora Jamu” muni, swara lirih banjur alon-alon metu swara iklan:

Para kadang, ora sah bingung masalah kesarasaning awak: “Aneka Jamu Mugi Waras Spesial”.

Akeh pilihane, gampang golek-golekane, mesthi alami, gampang ngracike lan dijamin tanpa efek samping. Para kadang takaturi mundhut Aneka Jamu Mugi Waras Spesial ing Toko “Barokah Waras”. Toko “Barokah Waras” alamat jl. Ceplok Piring, Karangan, Sukoharjo. Telp. 0272-235212.

Sepisan malih mangga para miyarsa kula aturi teka ing toko Barokah Waras konsultasi kesehatan dipunlayani kanthi senenging ati, langsung mundhut Aneka Jamu Mugi Waras Spesial langkung prayogi.  Aneka Jamu Mugi Waras Spesial awak seger, waras lan ati mesthi makmur.”

Iklan ing inggil menika miturut isinipun kalebet iklan ... .

A. Iklan jamu

B. Iklan kesehatan

C. Iklan Aneka Jamu Mugi Waras Spesial

D. Iklan Toko “Barokah Waras”

E. Iklan radhio

25. Ing paragrap loro tuladha pariwara dhuwur iku ana tembung kang ora trep. Kang bener kaya ing ngisor iki, yaiku ... .

A. Sepisan malih mangga para miyarsa kula aturi dugi ing toko Barokah Waras konsultasi kesehatan dipunlayani kanthi senenging ati, langsung mundhut Aneka Jamu Mugi Waras Spesial langkung prayogi.

B. Sepisan malih mangga para miyarsa kula aturi tindak ing toko Barokah Waras konsultasi kesehatan dipunlayani kanthi senenging ati, langsung mundhut Aneka Jamu Mugi Waras Spesial langkung prayogi.

C. Sepindhah malih mangga para miyarsa kula aturi teka ing toko Barokah Waras konsultasi kesehatan dipunlayani kanthi senenging ati, langsung mundhut Aneka Jamu Mugi Waras Spesial langkung prayogi.

D. Sepisan malih ayo-ayo para pamireng kula aturi teka ing toko Barokah Waras konsultasi kesehatan dipunlayani kanthi senenging ati, langsung mundhut Aneka Jamu Mugi Waras Spesial langkung prayogi.

E. Sepisan malih mangga para miyarsa dak aturi teka ing toko Barokah Waras konsultasi kesehatan dipunlayani kanthi senenging ati, langsung mundhut Aneka Jamu Mugi Waras Spesial langkung prayogi.

26. Iklan ingkang ngrembag babagan lelayu kalebet iklan ... .

A. Iklan informatif

B. Iklan persuasif

C. Iklan reminder

D. Iklan umum

E. Iklan kaluwarga

27. Ngandhap menika ingkang diwastani iklan parodi, inggih menika  ... .

A. Iklan ingkang nitik berataken isi kangge informasinipun khalayak

B. Iklan ingkang ancasipun gumujeng

C. Iklan ingkang nitik beratken ing upaya ngaruhi khalayak kangge nindakaken pakaryan

D. Iklan ingkang nggadhahi khalayak sasaran lan dituju wonten ing wewengkon lokal, kayata pedesan utawi kabupaten

E. Iklan ingkang digunakaken mbantah utawi ngalawan isu ingkang ndamel cilaka

28. Ngandhap menika kalebet iklan ingkang miturut isinipun, inggih menika ... .

A. Iklan politik, iklan kesehatan, lan iklan panganan

B. Iklan politik, iklan kesehatan lan iklan keluwarga

C. Iklan politik, iklan kesehatan lan iklan parodi

D. Iklan politik, iklan kesehatan lan iklan komersil

E. Iklan cetak, iklan kesehatan lan iklan komersil

29. Ngandhap menika pangertosanipun iklan komersil ingkang leres, inggih menika ... .

A. Iklan kang digunakake mbantah utawa ngalawan isu kang nggawe cilaka

B. Iklan kang nitik beratake ing upaya ngaruhi khalayak kanggo nglakokake pagaweyan

C. Iklan kang nduweni khalayak sasaran kang dituju ana ing wewengkon lokal, kayata pedesaan utawa kabupaten

D. Iklan bisnis kang duweni ancas kanggo nggolek keuntungan ekonomi

E. Iklan kang nitik beratake isi kanggo informasi kanggo khalayak

30. Menawa kepengin gawe ukara kang becik, kita kudu bisa ngudhal ukara supaya basa kang digunakake bisa narik kawigaten. Kang diarani ngudhal ukara yaiku ... .

A. Milah-milah peranganing tembung sarta nyebutake jenenge siji-sijining perangan iku.

B. Milah-milah peranganing ukara sarta nyebutake jenenge siji-sijining perangan iku

C. Milah-milah peranganing paragrap sarta nyebutake jenenge sini-sijining perangan iku

D. Milah-milah peranganing wanda sarta nyebutake jenenge siji-sijining perangan iku

E. Milah-milah peranganning gatra sarta nyebutke jenenge siji-sijining perangan iku

31. Teks eksposisi tegese teks kang jlentrehake utawa medharake sawijining bab satemah bisa njembarake pangertene/seserapane pamaca diarani ... .

A. Teks Eksposisi

B. Teks Disposisi

C. Teks Disertasi

D. Teks Argumentasi

E. Teks Narasi

32. Tandha-tandhane teks eksposisi kaya ing ngisor iki, kajaba ... .

A. Mbudi daya kanggo njlentrehake sawijining bab.

B. Gaya tulisan asipat informatif.

C. Mbudi daya kanggo njlentrehake bab-bab kang akeh.

D. Fakta sing dienggo minangka alat kontribusi.

E. Gaya tulisan asipat komunikatif lan gampang ditampa

33. Jinise Eksposisi ing ngisor iki satitekna! 

a) Eksposisi Definisi

b) Eksposisi Proses

c) Eksposisi proposal

d) Eksposisi Klasifikasi

e) Eksposisi Ilustrasi (Contoh)

f) Eksposisi Gambar 

g) Eksposisi Perbandingan & Pertentangan

h) Eksposisi Laporan

Kang klebu jinise wacana eksposisi manggon ana ing aksara ... .

A. a,b,c,d,e,

B. b,c,d,e,f

C. c,d,e,f,g

D. d,e,f,g,h

E. a,b,d,e,h

34. Wacan ing ngisor iki satitekna!

Kepiye kanggo ngawekani rasa wedi iku? Ing ngisor iki ana limang jurus kanggo ngawekani rasa wedi. Sepisan, siapna awakmu kanthi sabecik-becike kanggo ngadhepi situasi tartamtu; kaping loro, sinaunana kanthi sabecik-becike nalika ngadhepi situasi kasebut; kaping telu, tansaha anduweni rasa percaya dhiri; kaping papat, sawise anduweni rasa percaya dhiri, tansaha ngupaya kanggo nambahi rasa yakin (keyakinan)mu; kaping lima, kanggo nambah rasa percaya dhiri, kita kudu nambah kaprigelan utawa keahlian kanthi gladhen utawa sinau tumemen.

Tuladha wacan ing dhuwur yaiku klebu wacana eksposisi ... .

A. Eksposisi Definisi

B. Eksposisi Proses

C. Eksposisi Klasifikasi

D. Eksposisi Ilustrasi (Contoh)

E. Eksposisi Perbandingan & Pertentangan

Wacanen teks eksposisi ing ngisor iki kanggo mangsuli pitakonan no. 35-37!

Tari Karonsih, Endahe Pepasihan

Adicara Maleman Sriwedari kang wus lerem 15 taun, ing taun iki digelar maneh kanthi njupuk wektu 2 Agustus-1 September. Adicara kasebut digelar ing tilas Taman Bonraja, yakuwi Plasa Sriwedari, Joglo Sriwedari kanthi tekan mburi Taman Sriwedari.

Miturut sujarah, pasar rakyat Maleman Sriwedari wus digelar nalika jaman Paku Buwana X kanggo wahana panglipur masarakat. Ing Plasa Sriwedari, saben wengi digelar kesenian tradhisi saka sanggar-sanggar seni ing Solo. Salah sijine yakuwi Sanggar Semarak Candra Kirana kang mbabar Tari Karonsih. Tari Karonsih yakuwi tari kang nggambarake ketemune Dewi Sekartaji kaliyan Panji Asmara kang wus suwe pisah.

Maleman Sriwedari dadi salah sijine papan panggonane para seniman ing Kutha Solo kanggo ngetokake lan tawa-tawa bab seni tradhisi. Nalika akeh adicara budaya panglipur ing masarakat, bakal bisa nguri-uri budaya Jawa.

Miturut Asisten Ekonomi Pembangunan dan Kesejahteraan Rakyat Sekretariat Daerah Solo, Eny Tyasni, pasar rakyat Maleman Sriwedari ing jaman dhisik dadi wahana kang dienten-enteni masarakat. Sebabe, dadi panglipur lan ana maneka warna jinis seni tradhisi kang digelar.

(Kapethik saka: http://www.solopos.com/2013/01/17/. Diakses tanggal 27 September 2014 jam 15.20 WIB)

35. Adicara kang dirembug ing teks yaiku ....

A. Maleman Sekatenan

B. Maleman Tirakatan

C. Maleman Muludan

D. Maleman Selikuran

E. Maleman Sriwedari

36. Ing wacan eksposisi pagelaran Jawa ndhuwur, adicara kasebut digelar suwene ....

A. seminggu

B. telung minggu   

C. limang minggu

D. rong minggu

E. patang minggu

37. Miturut sujarah, pasar rakyat Maleman Sriwedari wus digelar nalika jaman ....

A. Paku Buwana IX

B. Paku Buwana XI   

C. Paku Buwana XIII

D. Paku Buwana X

E. Paku Buwana XII

38. Tuladha ukara unen-unen ing ngisor iki satitekna!

 Bungah susah iku lumrah

 Becik ketitik, ala ketara

 Ana awan ana pangan

Ukara kagunan basa kasebut klebu ... .

A. Purwakanthi Guru Swara

B. Purwakanthi Guru Sastra

C. Purwakanthi Lumaksita

D. Parikan

E. Wangsalan

39. Ukara ing ngisor iki kang kalebu parikan, yaiku ... .

A. Ruruh, rereh, ririh, ing wewarah

B. Roning mlinjo, sampun sayah nyuwun ngaso

C. Wajik klethik gula jawa, Luwih becik sing prasaja

D. Anggone memitran katon sayuk rukun, prasasat ora tau benggang sanyari.

E. Bungah susah iku lumrah

40. “Godhong garing, esuk-esuk kok wis nglaras”

Tuladha ing ndhuwur kalebu tuladha ....

A. purwakanthi

B. rurabasa

C. Parikan

D. Rinengga

E. wangsalan

Untuk nomor di bawah ini keliru. Yang benar adalah urut dari 41 sampai 50.

II. Wangsulana pitakon-pitakon ing ngisor iki kanthi bener, pener lan tliti!

1. Tembang gambuh ing ngandhap menika gancarna ngangge basa Indonesia!

sabarang tindak tanduk

tumindake lan sakadaripun

den ngaksama kasisipaning sesami

sumimpanga ing laku dur

hardaning budi kang ngrodon

2. Jinise crita rakyat iku werna-werna. Coba jlentrehna apa kang diarani crita rakyat ing ngisor iki lan wenehana tuladha critane, saben crita rakyat 3 tuladha irah-irahan!

a. Legendha 

b. sage

c. mite

d. fabel 

3. Coba jlentrehna apa kang diarani iklan kuwi!

4. Teks eksposisi kuwi nduweni tandha-tandha utawa ciri-ciri kang gumathok. Coba sebutna tandha-tandha utawa ciri-ciri teks eksposisi kasebut!

5. Prentah babagan aksara Jawa ing ngisor iki tindakna!

a. Tembung kang nggunakake aksara murda ing ngisor iki gantinen nganggo aksara Jawa!

1) Pangeran Dipanegara

2) Raden Ajeng Kartini

Kunci Jawaban

Romawi 1 (yang dicetak tebal)

Romawi 2

1. Segala tindak tanduk 

Dilakukan ala kadarnya

Memberi maaf atas kesalahan sesama

Menghindari perbuatan tercela

Dan watak angkara yang besar

2. Legendha yaiku crita rakyat  sing diangep nyata kedadeyane jalaean sajroning crita ana paraga sejarah lan dibumboni bab ajaib, sekti lsp.

Tuladha : rawa pening, Roro Jonggrang, Banyuwangi

Sage yaiku crita rakyat sing ana gegayutane marang sejarah, nyritakake bab kepahlawanan, kesaktian sawijining pawongan.

Tuladha : calon arang, Ciung wanara, Siliwangi, Panji lsp.

Mite yaiku crita rakyat sing paragane para deea utawa samubarang mahkluk separo dewa dumadi ana ing donya utawa kahyangan.

Tuladha : Nyi roro kidul, Nyi Blorong, jenglot

Fabel  yaiku crita khayalan bab kewan sing poahe kaya manungsa.

Kancil nyolong timun, semut lan manut, kancil lan macan, lsp. 

3. Iklan yaiku kegiatan menehi informasi bab barang jasa lan jasa sing migunakake media massa online utawa offline.

4. Tandha-tandha utawa ciri-ciri teks eksposisi

Mbudidaya kanggo njlentrehake sawijining bab

Gaya tulisan asipat informatif

Fakta sing dienggo minangka alat kontribusi

5

Kembali ke Daftar isi Soal, Kunci, Materi Basa Jawa SD, SMP, SMA/SMK

Share :

Facebook Twitter Google+