Pelajaran 1
SK
- Mampu mendengarkan dan memahami berbagai wacana lisan tentang crita pengalaman teman dan crita wayang.
- Mampu mengungkapkan gagasan secara lisan mengenai urutan membuat sesuatu dan kesan crita anak dengan bahasa yang santun.
- Mampu membaca nyaring, lancar, memahami teks, dan membaca huruf Jawa.
- Mampu menulis karangan dalam berbagai ragam bahasa dan menulis huruf Jawa.
KD
1.1 Mendengarkan cerita pengalaman teman.
2.2 Menanggapi cerita anak yang dibaca/didengar.
3.1 Membaca nyaring dengan lafal dan intonasi yang tepat (15-20 kalimat).
4.1 Menulis karangan sederhana.
A. Nyemak:
Ngrungokake Crita Pengalamane Kanca
Ayo padha sinau ngrungokake bareng-bareng.
1. Ngrungokake Crita Pengalamane Kanca
Saben wong mesti duwe pengalaman.
Pengalaman iku mesti ora bakal dilalekake.
Amarga pengalaman kuwi ana hubungane karo kedaden sing wis dilakoni.
Kaya apa ta tuladha crita pengalaman iku?
2. Tuladha Crita Pengalaman
Ayo padha disemak bareng-bareng tuladha crita pengalaman ing ngisor iki sing arep diwacakake gurumu.
Aja lali yen nyemak kudu sing premati.
Lara Weteng
Rudi dina Selasa ora mlebu sekolah. Dheweke muntah-muntah terus. Awake lemes ora duwe daya. Dening Bapak Ibune, Rudi dipresakne menyang puskesmas sing ana ing desane. Rudi butuh istirahat suwene rong dina.
Pak Dhokter menehi resep obat lan dhawuh marang Rudi supaya njaga karesikan lan ora mangan panganan kang ora kejamin gizi lan keresikane, kayata panganan kang didol ing pinggir dalan. Pancene dina Senin nalika arep mulih sekolah, Rudi lan Fajar tuku es ing pinggir dalan.
Tekan ngomah wetenge krasa mules. Banjur muntah-muntah. Nganti esuk mau Rudi isih durung sehat temenan. Rencanane sesuk lagi isoh mlebu sekolah maneh.
Gladhen Mandhiri
Kowe mau wis ngrungokake crita pengalamane Rudi sing diwaca gurumu lan kancamu. Coba saiki wangsulana pitakon-pitakon ing ngisor iki kanthi bener!
1. Pengalamane sapa sing diceritakne ing nduwur?
Wangsulan : Rudi
2. Apa pengalamane Rudi?
Wangsulan : lara weteng
3. Apa jalarane wetenge Rudi nganti lara?
Wangsulan : tuku es ing pinggir dalan
4. Apa sing dingendikakake Pak Dhokter marang Rudi?
Wangsulan : njaga karesikan lan ora mangan panganan kang ora kejamin gizi lan karesikane.
5. Piwulang apa kang bisa kajikuk saka pengalamane Rudi?
Wangsulan : salah sawijining cara kanggo njaga kasehataning awak yaitu mangan panganan kang resik, sehat, lan bergizi
B. Micara:
Nanggepi Crita
Ayo padha sinau micara bareng-bareng.
1. Nanggepi Crita Bocah sing Diwaca/Dirungokake
Apa sing arep mbok lakoni yen krungu wong maca crita? Mesti kowe arep takon bab crita sing diwaca iku, amarga kowe pingin ngerti crita iku mau.
Ing ngisor iki ana tuladha crita bocah, kancamu bakal macaake ing ngarep kelas.Coba crita kuwi rungokna kanthi wigati lan mengko tanggepana kanthi basa sing becik.
Posyandu
Posyandu singkatan saka Pos Pelayanan Terpadu. Posyandu salah sawijining Kegiyatan kanggo ningkatake kesehatan para ibu lan balita. Posyandu Kegiyatane para ibu-ibu PKK kang mapan ana ing tingkat RW. Kegiyatane ana sing saben seminggu sepisan, rong minggu sempisan malah-malah ana sing saben sasi sepisan. Gumantung programe dhewe-dhewe, lan kebutuhane ing tingkat RW.
Ana ing Posyandu para ibu-ibu sing duwe balita diwenehi penyuluhan babagan nggulawenthah bayine. Saben bayi dicathet ana KMS yaiku Kartu Menuju Sehat kanggo mangerteni kahanan kesehatan bayine. Uga diadani undhaking gizi, supaya bocah-bocah Indonesia anduweni kesehatan sing apik.
Kajaba ibu-ibu PKK, dhokter kecil uga bisa melu nggabung ana ing Posyandu. Ing kono bisa ambiyantu kridhane ibu-ibu lan bisa mangerteni langsung Kegiyatane Posyandu. Dhokter kecil uga diwenehi wektu yen arep menehi tambahan pangerten marang masyarakat ing babagan PSN (Pemberantasan Sarang Nyamuk) utawa babagan liyane. Petugas Puskesmas uga tansah ngawasi Kegiyatane Posyandu.
Pemerintah sejatine ora kurang-kurang anggone nggatekake kesehatan rakyate. Ora mung Posyandu, isih akeh Kegiyatan liyane kang tujuane kanggo undhaking kesehatan rakyate. Ananging kala-kala rakyate dhewe kang gawe sumbere penyakit. Upamane ngguwang uwuh waton ngguwang, iline kalen ora lancar, lingkungan reget ora dikerja bakteni. Ya ing kene bisa nuwuhake lelara. Mula ayo padha disengkuyung ngundhakake ing babagan kesehatan.
2. Carane Menehi Tanggepan
Sawise kowe ngrungokake crita ing ndhuwur, kowe kudu bisa menehi tanggepan marang crita iku.
Tanggepan bisa katulis bisa uga kaucapne langsung. Ing wulangan iki kowe kabeh bakal sinau carane menehi tanggepan sing diucapne langsung.
Carane:
a. Kudu mangerteni tenan crita sing bakal ditanggepi, mula kowe kudu nggatekake tenanan kancamu maca utawa crita.
b. Tanggepan aja nganti nglarani ati utawa nyinggung kancamu.
c. Tanggepan nganggo basa sing becik lan sopan.
Gladhen Mandhiri
Wangsulana pitakon-pitakon ing ngisor iki kanthi bener!
1. Posyandu kuwi singkatan saka apa?
Wangsulan : Pusat Pelayanan Terpadu
2. Apa ancas dienekake Posyandu?
Wangsulan : Kanggo ningkatake kesehatan para ibu lan balita
3. KMS iku singkatan saka apa?
Wangsulan : Kartu Menuju Sehat
4. Posyandu iku dienekake kanggo sapa?
Wangsulan : Kanggo para ibu lan balita
5. Apa tugase Puskesmas ing Kegiyatan Posyandu?
Wangsulan : Ngawasi Kegiyatane Posyandu
C. Maca:
Maca Sora
Ayo padha sinau maca bareng-bareng.
Wacanen sing banter.
Penyakit Aneh Chikungunya
Dani : “Ran, kowe mau sore nonton tv?”
Rani : “Ora Dan, aku mau sore ngrewangi ibuku resik-resik. Ana kabar apa ta ning tv?”
Dani : “Ana penyakit sing jenenge chikungunya.”
Rani : “Penyakit mau penyakit sing piye?”
Dani : “Sapa sing kena penyakit iki, awake krasa lara kabeh, sendhi-sendhine ora bisa diobahake, kaya wong lumpuh.”
Rani : “Penyebabe apa, Dan?”
Dani : “Manut berita penyebabe saka nyamuk, kaya lara dhemam berdarah.
Ran : “Cara nyegahe lelara mau kepriye?”
Dani : “Ora beda karo lelara DB. Omah kudu resik saka klambi sing pating klewer, jedhing utawa genthong kudu ditutup lan dikuras sepisan saben minggune, sarta ngubur barang-barang sing bisa ndadekake sarang nyamuk. Becike ayo padha njaga lingkungan dhewe-dhewe supaya ora kena lara chikungunya.”
Gladhen Mandhiri
1. Apa irah-irahan wacan ing ndhuwur?
Wangsulan : Penyakit Aneh Chikungunya
2. Apa sing dicritakne Dani lan sapa sing dicritani?
Wangsulan : Penyakit Chikungunya, Rani
3. Saka ngendi Dani oleh berita penyakit Chikungunya?
Wangsulan : saka berita ing tv
4. Apa sing nyebabake lelara Chikungunya?
Wangsulan : nyamuk
5. Kepriye carane nyegah penyakit Chikungunya?
Wangsulan : Omah kudu resik saka klambi sing pating klewer, jedhing utawa genthong kudu ditutup lan dikuras sepisan saben minggune, sarta ngubur barang-barang sing bisa ndadekake sarang nyamuk.
D. Nulis:
Nulis Karangan Sederhana
Ayo padha sinau nulis bareng-bareng.
Ayo ajar gawe karangan sing becik.
Gawe karangan iku gampang. Angger manut paugeran, mesti karanganmu kasil kanthi becik.
Sing kudu digatekake nalika gawe karangan, yaiku:
1. Nemtokake tema.
2. Gawe irah-irahan (judhul) cekak aos nanging bisa narik kawigatene wong liya.
3. Milih tetembungan sing becik, prasaja, lan laras.
4. Migunakake ejaan kanthi bener (bisa mbedakake t/th, d/dh, a/o, lan sapanunggalane)
5. Sadurunge gawe karangan bisa kanthi cara gawe cengkorongan (kerangka).
6. Maca buku sing ana sambung rapete karo karangan sing bakal digawe.
Gladhen Mandhiri
Coba gawea karangan, sing temane bisa milih andharan ing ngisor iki:
Basa sing kaenggo bisa basa ngoko utawa basa krama.
1. Njaga kasarasaning awak
2. Imunisasi
3. Njaga karesikane lingkungan
4. Empat sehat lima sempurna
Wangsulan : Siswa nulis karangan, guru maringi biji.
Ulangan 1
Wacan kanggo soal nomer 1–5
Gatekna sing premati!
Kanggo njaga kasarasaning para murid, ing sekolahane Sinta dianakake UKS. UKS iku cekakan saka tembung Usaha Kesehatan Sekolah. Pamrihe kanggo nenuntun para siswa supaya seneng ngulinakake resikan, njaga kasarasaning awak, ngati-ati sadurunge lara. Carane, sekolah ngaturi Pak Dhokter Puskesmas, kersaa maringi sesuluh marang para murid babagan:
a. Pangrumate untu, kulit, sarta nyegah lelara.
b. Maringi penataran dhokter kecil.
c. Njaga resiking padunungan/lingkungan.
d. PPPK (Pertolongan Pertama Pada Kecelakaan).
Yen ana bocah sing krasa lara, dirumat ana ing kamar UKS diparingi obat entheng. Yen ana bocah sing lara temenan, dicathet nganggo buku rujukan, dikirim menyang puskesmas sing cedhak.
1. UKS iku ana ing ....
a. Puskesmas
b. Sekolah
c. Pasar
d. Bank
Wangsulan : b
2. UKS iku duweni tujuan kanggo ....
a. ningkatake kesehatane para guru
b. ningkatake kesehatane ibu-ibu lan balitane
c. ningkatake kesehatane kepala sekolah
d. njaga kesarasaning para murid
Wangsulan : d
3. Yen ana bocah sing lara temenan, dicathet nganggo buku ....
a. agenda
b. diari
c. rujukan
d. buku tulis
Wangsulan : c
4. PPPK singkatan saka ....
a. Pertolongan Pertama Pada Kecelakaan
b. Panduan Pertama Pada Kecelakaan
c. Pertolongan Penting Pada Kecelakaan
d. Pertolongan Pertama Pada Keluhan
Wangsulan : a
5. Supaya sehat, ya kudu nggatekake lingkungan. Ngguwang uwuh waton ngguwang bisa nyebarake ....
a. dhuwit
b. hama
c. bebaya
d. penyakit
Wangsulan : d
6. Yen kerep mangan sembarangan iku nyebabake lara ....
a. weteng
b. pilek
c. untu
d. kulit
Wangsulan : a
7. Kanggo njaga kesarasane murid, ing sekolah dienekake ....
a. penataran dhokter kecil
b. Posyandu
c. UKS
d. kantin sehat
Wangsulan : c
8. Kanggo njaga kasarasaning ibu lan bayine dianakake Kegiyatan ....
a. Pramuka
b. PKS
c. Posyandu
d. UKM
Wangsulan : c
9. Penyebab penyakit Chikungunya yaiku ....
a. laler
b. nyamuk
c. cacing
d. bakteri
Wangsulan : b
10. Karesikan sekolah iku dadi tanggung jawabe ....
a. guru
b. warga sekolah
c. murid
d. penjaga sekolah
Wangsulan : b
11. Panu, kadas, kurap iku kelebu penyakit ....
a. kulit
b. mata
c. weteng
d. untu
Wangsulan : a
12. Aja seneng jajan ning ndalan. Yen seneng jajan ning ndalan bisa njalari lelara ....
a. watuk
b. weteng
c. kulit
d. mripat
Wangsulan : b
13.
Gambar iku yen digawe ukara
yaiku ....
a. Aku sregep sikatan.
b. Aku lagi mangan permen.
c. Aku lagi lara.
d. Aku seneng mangan coklat
Wangsulan : a
Gb: http://pondokibu.com/membiasakan-si-kecil-menggosok-gigi-demi-kesehatan.html
14. Wong sing kakehan mangan permen, coklat lan keset sikatan iku bisa njalari lara ....
a. untu
b. weteng
c. kulit
d. mripat
Wangsulan : a
15. Gunane buku rujukan iku kanggo ....
a. berobat ing puskesmas
b. nggarap ulangan
c. nggambar
d. nggarap PR
Wangsulan : a
16. Ati-ati marang kewan. Kewan sing bisa nyebarake lara demam berdarah yaiku ....
a. laler
b. semut
c. tikus
d. nyamuk
Wangsulan : d
17. Kewan sing njalari penyakit malaria yaiku ....
a. laler
b. nyamuk
c. semut
d. tikus
Wangsulan : b
18. Cara kanggo njaga kesehatan untu kudu sregep sikatan nganggo ....
a. sabun
b. odhol
c. sampo
d. coklat
Wangsulan : b
19. Wong lara iku ditambani nganggo ....
a. permen
b. roti
c. obat
d. sayur
Wangsulan : c
20. Wong kang pagaweane nambani wong lara yaiku ....
a. dhokter
b. satpam
c. guru
d. kepala sekolah
Wangsulan : a
Wacan kanggo soal nomer 21–23
Santi : “Gung, apa bener dina iki Rina ora mlebu sekolah amarga lara diare?”
Agung : “Iya San, ndek wingi sore dipresakne ning pukesmas.”
Santi : “Wah, aku dadi pengen ngerti kahanane Rina, Gung, ayo nyambangi ning ngomahe Rina, kanca-kanca diajak!”
Agung : “Iya San, Reza lan Guntur tak kabarane, Mela lan Citra kabarana ya?”
Santi : “Iya Gung, engko tak telpune.”
Jam telu sore Santi, Agung lan kanca-kancane padha budhal sepedhanan nyambangi Rina.
Santi : “Kula nuwun......?”
Bu Dina : “Mangga....Ooo, kancane Rina, ya?.”
Santi : “Inggih, Bu.”
Bu Dina : “Ayo padha mlebu, kae Rina ana ning mburi.”
Santi : “Nggih, Bu.”
Santi lan kanca-kancane ngetutne Bu Dina banjur ketemu Rina. Sawise padha salam salaman kanca-kancane Rina seneng amarga Rina ora nganti nemen larane lan sesuk esuk wis bisa mlebu sekolah maneh.
21. Sapa sing ngajak Agung nyambangi Rina ....
a. Guntur
b. Mela
c. Citra
d. Santi
Wangsulan : d
22. Sapa wae sing melu nyambangi Rina....
a. Santi, Agung, Mela, Citra, Guntur lan Reza
b. Sinta, Agung, Citra, Reza, lan Guntur
c. Reza lan Santi
d. Santi lan Agung
Wangsulan : a
23. Apa sing njalari Santi lan kanca-kancane padha seneng ....
a. ketemu Ibune Rina
b. isoh dolan ning omahe Rina
c. Rina ora nganti nemen larane lan sesuk esuk wis bisa mlebu sekolah
d. isoh gojekan karo Rina
Wangsulan : c
24.Tipes, kolera, disentri iku kalebu lara ....
a. sirah
b. mripat
c. kuping
d. weteng
Wangsulan : d
25. Mimisan iku kedadean ing ... amarga ... ing bagian ....
a. irung, pembuluh darah pecah, irung
b. kuping, pembuluh darah pecah, kuping
c. tangan, pembuluh darah pecah, tangan
d. irung, pembuluh darah pecah, gusi
Wangsulan : b
B. Isenana ceceg-ceceg ing ngisor iki kanthi bener!
1. Wong lara iku ditambani nganggo ....
Wangsulan : obat
2. Basa kramane lunga yaiku ....
Wangsulan : tindak
3. Luwih becih njaga .... katimbang lara
Wangsulan : kesehatan/kasarasan
4. PPPK iku cekakan saka ....
Wangsulan : Pertolongan Pertama pada Kecelakaan
5. Kegiyatan ing RW kanggo njaga kesehatan ibu lan bayine yaiku ....
Wangsulan : Posyandu
6. Pusat Pelayanan Terpadu yen disingkat dadi ....
Wangsulan : Posyandu
7. Dhokter iku pagaweane ....
Wangsulan : nambani wong lara
8. Keresikan sekolah iku dadi tanggung jawab....
Wangsulan : kabeh warga sekolah
9. UKS iku singgatan saka ....
Wangsulan : Usaha Kesehatan Sekolah
10. Kewan nyamuk bisa njalari penyakit ....
Wangsulan : Demam Berdarah, Chikungunya
C. Wangsulana pitakon-pitakon ing ngisor kanthi bener!
1. a. Rizki senengane udan-udan.
b. Rizki lara masuk angin.
Ukara-ukara ing ndhuwur iku gawenen karangan sing becik!
Wangsulan :
Siswa ngarang nganggo ukara-ukara ing nduwur, guru maringi biji.
2. Aranana jenis-jenis penyakit kulit!
Wangsulan :
panu, kadas, kurap.
3. Aranana kepiye cara nyegah penyakit Chikungunya!
Wangsulan :
Omah kudu resik saka klambi sing pating klewer, jedhing utawa genthong kudu ditutup lan dikuras sepisan saben minggune, sarta ngubur barang-barang sing bisa ndadekake sarang nyamuk.
4. Saka gambar iki, coba gawea karangan cekak!
Wangsulan :
Siswa nggawe karangan miturut gambar, guru maringi biji.
http://cloverjelly.com/cara-mengajari-kebiasaan-sehat-pada-anak-496
5. “Ibu mangan roti”.
Ukara ing ndhuwur iku kramakna!
Wangsulan :
0 Komentar untuk "Materi, Soal, Kunci Basa Jawa Kelas 3 SD/Gasal "