Standar Kompetensi
1. Mampu mendengarkan dan memahami berbagai wacana lisan tentang
ungkapan teman dan tembang dolanan.
2. Mampu mengungkapkan gagasan dan perasaan secara lisan tentang pengalaman dan mendeskripsikan benda di sekitarnya.
3. Mampu membaca nyaring dengan ancer dan memahami teks sastra.
4. Mampu mengungkapkan pikiran/ perasaan secara tertulis dalam berbagai ragam bahasa Jawa sesuai unggah-ungguh.
Kompetensi Dasar
1.2. Mendengarkan tembang dolanan
2.2 Mendeskripsikan benda di sekitarnya dengan ragam bahasa tertentu.
3.2 Membaca indah.
4.2 Menulis kegiatan sehari-hari yang didiktekan.
A. Nyemak:
Tembang Dolanan
Semaken gurumu kang arep nembang dolanan iki kanthi tumemen. Gatekna gerak lan mimike, supaya kowe bisa nembangake lan negesi isine tembang dolanan iku!
Jaranan
Jaranan-jaranan jarane jaran teji,
sing nunggang ndara bei,
sing ngiring para mantri,
jreg-jreg nong jreg-jreg gung,
jreg-jreg turut lurung,
gedebug krincing, gedebug krincing,
prog-prog gedebug jedher.
Kidang
Kidang talun,
mangan kacang talun,
mil ke the mil,
mil ke the mil,
si kidang mangan lembayung.
Tugas mandiri
1. Tembangna bebarengan karo kancamu sakelas kanthi mimik lan gaya kang trep tembang dolanan ing dhuwur!
2. Sawise iku, apalna tembang dolanan kuwi, banjur majua ing ngarep kelas lan tembangna nganggo gayamu dhewe kanthi kreatif!
Wangsulan:
Siswa nembangake tembang dolanan iku ana ing ngarep kelas.
B. Micara:
Ngenal tanduran lan Kewan
Dheskripsi tegese nerangake sawijine bab. Ing pamulangan iki kowe bakal sinau ndheskripsekake babagan tetanduran lan kewan.
Gatekna gambar sarta dheskripsine ing ngisor iki!
No.
|
Gambar
|
Katerangan
|
1
| 
Gb. Saking : https://www.bogor.net/ragam-berita/hidup-sehat/manfaat-dibalik-nikmatnya-daging-
|
Kewan iki duwe sikil loro
Anake jenenge kuthuk
Saben esuk, padha kluruk
Ing sikile, ana jalune
Kewan apa?
Wangsulan : pitik
|
2
| 
Gb. Saking : https://ianborjonk.makes.org/thimble/ODU0MjYxNzYw/coto-kuda
|
Iki arane jaran.
Sikile papat.
Tenagane gedhe banget
Nyambut gawe karo Pak Kusir.
Wangsulan : jaran
|
3
| 
Gb. Saking : https://www.merdeka.com/sehat/kelapa-buah-tunggal-dengan-sejuta-manfaat.html
|
Iki arane kambil
Rupaku ijo lan ana sing kuning
Godhong enomku jenenge janur
Yen diombe rasaku seger
Wangsulan :kambil
|
4
| 
Gb. Saking : http://blackhealer89.blogspot.co.id/2011/03/kebaikan-buah-pisang.html
|
Iki arane gedhang.
Rupane kuning.
Kembange abang kaya jantung.
Panganan senengane kethek.
Wangsulan :gedhang
|
5
| 
Gb. Saking : http://caraberkebun.com/cara-menanam-dan-manfaat-biji-bunga-matahari-untuk-kesehatan/
|
Iki arane kembang matahari.
Rupane kuning.
Ana isine.
Isine bisa digawe panganan.
Arane kwaci.
Wangsulan :kembang matahari
|
Tugas
Saiki bebarengan karo kanca sisihmu, coba andharna (dheskripsekna) kewan utawa tetanduran kang ana ing sakiwa tengenmu. Cara ngandharake bisa saka wujude, swarane, anake, lan liya-liyane. Kanthi genti-genten lan rukun, majua ing ngarep kelas ngandharake cirine kewan utawa wit-witan sacara lisan. Kagiyatan iki bisa didadekake dolanan bedhek-bedhekan!
C. Maca:
Maca Endah Crita Dongeng Kewan
Wacanen kanthi endah crita kewan ing ngisor iki!
Manuk karo Semut
Ana Semut kecemplung ing blumbang
Semut bengok-bengok njaluk tulung.
Kacarita ana Manuk liwat ing dhuwur blumbang.
Awit Manuk bingung carane nulung Semut, amarga Manuk ora bisa nglangi.
Manuk banjur nggawa godhong kanggo nulungi Semut.
Sawise Semut numpak ing godhong, Manuk nggeret godhong tekan pinggir blumbang.
Manuk seneng bisa nulungi Semut.
Semut matur nuwun banget marang Manuk.
Pinuju sawijining dina, Semut mlaku-mlaku ing alas.
Ana wong kang arep nembak Manuk kang lagi mencok ing wit.
Manuk ora ngerti dheweke arep ditembak wong.
Semut sing weruh banjur nyedhaki wong kang arep nembak Manuk.
Semut banjur nyokot sikile wong iku.
Wong kang arep nembak Manuk bengok-bengok kelaran dicokot Semut.
Manuk slamet saka bebaya.
Manuk matur nuwun marang Semut.
Semut seneng bisa genten nulungi Manuk.
Tugas pribadhi
Saka dongeng kang wis kokwaca ing dhuwur, coba gawenen pitakon kanggo wangsulan kang wis sumadya ing ngisor iki!
1. Pitakon : Sapa sing dicokot sikile dening semut?
Wangsulan : Semut nyokot sikile wong kang arep nembak manuk.
2. Pitakon : Sapa sing bengok-bengok njaluk tulung?
Wangsulan : Sing bengok-bengok njaluk tulung iku semut.
3. Pitakon : Ana pira paraga ing crita dhuwur?
Wangsulan : Paraga ing crita iku ana telu.
4. Pitakon : Ing ngendi papan semut iku kecemplung?
Wangsulan : Kedadean iku dumadi ing blumbang.
5. Pitakon : Apa kang ditindakne Manuk kanggo nulung Semut?
Wangsulan : Manuk nggawa godhong kanggo nulungi semut.
D. Nulis:
Nulis Kegiyatan Padinan
Sawijining cara kanggo nyritakake kegiyatan padinan iku bisa sarana nulis. Nulis iki uga ana maneka cara. Kang bakal kagladhi ing wulangan yaiku nulis kegiyatan padinan kanthi aksara latin jejeg sambung.
Apa kang perlu digatekake lan sing disiapake sadurunge nulis? Kang perlu digatekake, yaiku sabar lan tlaten, potlot dilincipi kareben bisa kandel tipis tulisane lan setip.
A. Tulisen nganggo aksara jejeg sambung!
1. Aku lagi mangan.
Wangsulan:
2. Aku nglempiti klambi
Wangsulan:
3. Aku nebahi paturon.
4. Aku maca buku.
5. Aku sinau nulis
6. Aku ngrampungake sinauku.
7. Vanes bal-balan
8. Rita ngombe sirup
9. Pak Tani lagi macul
10. Supri lagi sikatan
0 Komentar untuk "Materi Bahasa Jawa SD Kelas 1/2 (Pelajaran 2)"